დონალდ ტრამპის მიერ დაწესებული აკრძალვა, რომლის მიხედვითაც ტრანსგენდერებს აშშ–ის ჯმარში მსახურების უფლება არ აქვთ, ჯო ბაიდენმა გააუქმა.

აღმასრულებელი განკარგულების ხელმოწერის ცერემონია თეთრ სახლში გაიმართა და მას აშშ-ის თავდაცვის მდივანი, ლოიდ ოსტინი დაესწრო.

სენატში ლოიდ ოსტინმა გამართულ მოსმენებზე განაცხადა, რომ ტრანსგენდერების ჯარში მსახურებაზე აკრძალვის გაუქმებას მხარს უჭერს.

2017 წლის 26 აგვისტოს დონალდ ტრამპმა ტრასგენდერებისთვის სამხედრო სამსახურის გავლაზე აკრძალვის ბრძანება გასცა. 2018 წლის მარტში მან ხელი მოაწერა მემორანდუმს, რომელიც აშშ-ის არმიაში ზოგიერთ ტრანსგენდერის მსახურებას კრძალავს.

2020 წლის 22 იანვარს აშშ-ის უზენაესმა სასამართლომ ტრამპს აღნიშნულის ნება დართო.