ჩუღურეთის რაიონის გამგებლის მოადგილეს ლადო გოგსაძეს, რომელიც ანტიკორუფციულმა სამსახურმა საკუთარ კაბინეტში გუშინ დააკავა, ბრალს ოფიციალურად დღეს წაუყენებენ.

გოგსაძის ადვოკატის რობერტს გრიგალაშვილის განცხადებით, ჯერ-ჯერობით ის საქმის მასალებს არ ფლობს:

„ჯერ არანაირი ინფორმაცია არ მაქვს, ბრალი არ წარგვდგენია და შესაბამისად, არც მასალები არ გვაქვს გადმოცემული. დღეს ველოდებით და როცა მასალები ხელთ გვექნება, მერე რაღაც კონკრეტიზაცია შეიძლება“, - აცხადებს გრიგალაშვილი.

შეგახსენებთ, რომ სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა სამსახურეობრივი უფლებამოსილების გადამეტების ფაქტზე ჩუღურეთის რაიონის გამგებლის მოადგილე დააკავეს. საქმე ეხება ელექრონულ ტენდერს, რომლის პასუხისმგებელი პირიც სწორედ გოგსაძე იყო და აღნიშნულ ტენდერში კორუფციული გარიგებით ერთ-ერთმა კომპანიამ გაიმარჯვა.