უამინდობის შედეგად გორის მუნიციპალიტეტის 9 სოფელს ელექტროენერგია ამ დრომდე არ მიეწოდება. "ნიუპოსტთან" საუბრისას "ენერგო-პრო ჯორჯიას" წარმომადგენელი გიორგი ბალახაშვილი აცხადებს, რომ დენის გათიშვა უამინდობამ გამოიწვია და პრობლემის მოგვარების მიზნით ამ წუთებში „ენერგო-პრო ჯორჯიას“ შესაბამისი ტექნიკური ჯგუფები პრობლემის მოგვარების მიზნით ადგილზე მუშაობს:

 "შიდა ქართლში დღეს და წუხელ გვიან ღამით ავარიულად გამოირთო დაახლოვებით 9500 აბონენტი, ჩვენი ტექნიკური ბრიგადები გასულები არიან ყველა შემთხვევის ადგილზე და მიმდინარეობს მუშაობა. გორის რაიონში ჩვენ ამ დრომდე გვრჩება 9 სოფელი გამორთული ეს არის ფხვენისი, ხიდისთავი, ქვახვრელი, ღვარები, ბნავისი, კვარხეთი, ლევიტანა, წედისი და კიდევ ერთი სოფელი",- აცხადებს "ენერგო-პრო ჯორჯიას“ წარმომადგენელი გიორგი ბალახაშვილი.

 ინტენსიური თოვის შედეგად გორში თოვლის საფარმა 15 საანტიმეტრს გადააჭარბა. ამ დრომდე მუნიციპალიტეტის შესაბამისი სამსახურები სოფლებთან მისასვლელ გზებზე ტექნიკურ მარილს ყრიან.

გიორგი ახალკაცი „ნიუპოსტი“ გორი