იაპონიაში, ჩრდილოეთ იაპონიის გზატკეცილზე, თოვლიანი ქარბუქის გამო, 130 მანქანა ერთმანეთს შეეჯახა. დაიღუპა ერთი და დაშავდა ათი ადამიანი.

ხელისუფლებამ დაბალი ხილვადობის გამო გზებზე უკვე დააწესა 50 კმ/სთ სიჩქარის შეზღუდვა.

„ინციდენტის დროს ქარის მაქსიმალური სიჩქარე დაახლოებით 100 კმ /სთ იყო“,- განაცხადეს სინოპტიკოსებმა.

ადგილობრივი მედიის ცნობით, მომდევნო 24 საათში რეგიონში სავარაუდოდ 40 სმ-მდე თოვლი დაფიქსირდება.