კორონავირუსისგან გამოჯანმრთელებულ პაციენტთა მესამედი განკურნებიდან 5 თვეში ხელახლა ინფიცირდება და საავადმყოფოში ხვდება, ხოლო 8-იდან ერთი კი ვირუსთან დაკავშირებული გართულებების შედეგად იღუპება. აღნიშნულის შესახებ კვლევა ბრიტანეთის ეროვნული სტატისტიკის ბიურომ და ლესტერის უნივერსიტეტმა ჩაატარეს.

მათ მიერ მოპოვებული მონაცემების შედეგად დგინდება, რომ კორონავირუსისგან გამოჯანმრთელებული 47 780 პაციენტიდან, 29,4 % 140 დღეში საავადმყოფოში დაბრუნდა, ხოლო მათი 12.3 % კი გარდაიცვალა. ამის შესახებ წერს Dailymail-ი.

კორონავირუსის ხანგრძლივმა ეფექტმა ორგანიზმში შესაძლოა მრავალი გართულებები გამოიწვიოს-განავითაროს გულის პრობლემები, დიაბეტი და აგრეთვე ღვიძლის, თირკმლის დაავადებები.

ზემოხსენებული კვლევის ავტორის, კამლეშ ხუნტის თქმით, ადამიანები გრძელვადიან მძიმე უკუეფექტებს იღებენ კოვიდისგან, რომლის შემდეგაც მრავალი მათგანი იღუპება- „ჩვენ ვხედავთ, რომ თითქმის 30 % სტაბილურად მეორედ ინფიცირდება ხოლმე კოვიდისგან“.