რუსი ოპოზიციონერი ალექსეი ნავალნი რუსეთში ბრუნდება. თვითმფრინავი, რომლითაც პოლიტიკოსი მგზავრობს, ბერლინის აეროპორტიდან ცოტა ხნის წინ აფრინდა.

ალექსეი ნავალნის მოსკოვის ვნუკოვოს აეროპორტში მხარდამჭერები და თანამოაზრეები ელოდებიან. აქვე მობილიზებული არიან პოლიციელებიც, რომლებიც მას, სავარაუდოდ, დაკითხვაზე გადაიყვანენ.

რუსეთის პროკურატურას ალექსეი ნავალნის წინააღმდეგ სისხლის სამართლის გამოძიება აქვს დაწყებული.