ჯანდაცვის მსოფლიო ორგანიზაციაში განიხილავენ კოვიდ 19-ის ვაქცინაციის პასპორტების შემოღებას და მის სავალდებულო ატრიბუტად დაწესებას იმ პირთათვის, რომელთაც სურთ, საერთაშორისო ფრენებით ისარგებლონ. ამის შესახებ ჯანმოს ევროპული ოფისის იმუნიზაციის დეპარტამენტის უფროსმა სპეციალისტმა, ოლეგ ბენეშმა განაცხადა.

„კორონავირუსული ინფექციის საწინააღმდეგო ეფექტური ვაქცინების გამოჩენისთანავე ჯანდაცვის მსოფლიო ორგანიზაცია სწავლობს საერთაშორისო მოგზაურთა ვაქცინაციასთან დაკავშირებულ საკითხებსა და პრობლემებს. საერთაშორისო ვაქცინაციის სერტიფიკატის გამოყენება არის ჯანმოს საერთაშორისო ჯანდაცვის რეგულაციებით დადგენილი საკითხი, რომელიც აქტიურად განიხილება ამ დრომდე“- განაცხადა ჯანმოს ევროპული რეგიონალური ოფისის წამყვანმა ექსპერტმა რუსულ მედიასთან საუბრის დროს.