"სასჯელაღსრულების, პრობაციისა და იურიდიული დახმარების საკითხთა სამინისტროს გენერალურმა ინსპექციამ, მედიაში გავრცელებული ინფორმაციის საფუძველზე, მე-6 დაწესებულებაში მყოფი მსჯავრდებულების ნუკრი ბელქანიასა და დავით ორჟონიას მიმართ ფიზიკური და ფსიქოლოგიური ძალადობის ფაქტის დაუყოვნებლივი მოკვლევა დაიწყო. გენერალური ინსპექციის თანამშრომლების მიერ, დაწესებულების ექიმის თანდასწრებით ჩატარებული ვიზუალური დათვალიერებით, მსჯავრდებულების ფიზიკური დაზიანების ფაქტი არ დადასტურდა. ობიექტურობის დადგენის მიზნით, ფაქტზე მოკვლევა კვლავ გრძელდება.

აღნიშნული მსჯავრდებულები რეჟიმის ხშირი დარღვევით გამოირჩევიან. პატიმრობის პერიოდში მათ არაერთხელ დაეკისრათ დისციპლინური პასუხისმგებლობა. ორივე მათგანს ბოლო დისციპლუნური სახდელი სასჯელაღსრულების დაწესებულების ადმინისტრაციამ 2013 წლის 30 ნოემბერს დააკისრა", - ნათქვამია სუბარის უწყების მიერ გავრცელებულ განცხადებაში.