“მიშომ გამაღვიძა, დამჭრაო” - ძმის მიერ მოკლული მამა შემზარავ ღამეს პირველად იხსენებს

სამართალი - 15:26, 08 Jan, 2021

2468

მიმდინარე წლის 5 იანვარს, თბილისში დატრიალებულმა ტრაგედიამ მთელი საქართველო შეძრა.

21 წლის გიორგი ახლოურს ძმის, 19 წლის ფეხბურთელის, მიშო ახლოურის განზრახ მკვლელობაში ადანაშაულებენ.
მკვლელობა ქეთევან წამებულის გამზირზე, ნაქირავებ ბინაში მოხდა.

ოფიციალური ინფორმაციით, ძმებს შორის ურთიერთშელაპარაკება ყოფით ნიადაგზე მოხდა.
მედიასთან სისხლიანი ღამეზე პირველი კომენტარი გააკეთა მოკლულისა და მკვლელობის მამამ.

მარად ახლოური ამბობს, რომ ბრალდებულმა ძმამ ტელევიზორის გამორთვა თხოვა. მამა ირწმუნება, რომ გიორგი ახლოურმა ტელევიზორის სადენის გადაჭრა სცადა. დანა კი ძაღლს მოუქნია.

"მიშოს მისაღებ ოთახში ტელევიზორი ჰქონდა ჩართული. მე 22:00 საათზე დავიძინე და თავად მიშომ გამაღვიძა, მარად დამჭრაო... სისხლი მოსდიოდა. თავად გიორგიც ციდად გახდა. თავად დარეკა სასწრაფოში. ჭრილობა არ იყო ღრმა.
ჩხუბი სავარაუდოდ ტელევიზორის გამო დაიწყო, ტელევიზორი გამორთე, ხვალ სამსახურში მივდივვარ მაგვიანდებაო"- ამბობს გარდაცვლილისა და ბრალდებულის მამა.

მკვლელობაში ბრალდებულისა და ახლოურების მთელი საახლობლო დარწმუნებულია, რომ ეს არ იყო განზრახმკვლელობა და ვერ წარმოუდგენიათ გიორგი ახლოურს ძმის მოკვლა რომ სურდა.
გამოძიება 108-ე, განზრახ მკვლელობის მუხლით მიმდინარეობს და ბრალის დამტკიცების შემთხვევაში დაკავებულ ძმას 7-დან 15 წლამდე პატიმრობა ემუქრება.
თავად ბრალდებული განზრახ მკვლელობაში თავს დამნაშავედ არ ცნობს. მის ინტერესს საზოგადოებრივი ადვოკატი თამარ გაჩეჩილაძე იცავს, რომლის თქმითაც, მომხდარი უბედური შემთხვევაა და არა განზრახ მკვლელობა.