უახლესი ლაბორატორიული კვლევების თანახმად დასტურდება, რომ Pfizer-ის მიერ წარმოებული ვაქცინა კორონავირუსის სამხრეთ აფრიკული და ბრიტანული ახალი შტამების მიმართ ეფექტურია. აღნიშნული კვლევა ჩაატარეს ტეხასის უნივერსიტეტის სამედიცინო ფილიალში, სადაც დადასტურდა, რომ ვაქცინა კოვიდ 19-ის მუტაციის შედეგად ჩამოყალიბებული N501Y-ის სახელის მქონე უჯრედული წარმონაქმნებისა და ცილების მიმართაც ისეთივე ეფექტურია, როგორც კორონავირუსის სტანდარტული შტამის მიმართ.

კორონავირუსის ახალი შტამი მუტაციის შედეგად უფრო სწრაფად გავრცელებადია, რის ფონზეც არსებობდა საშიშროება იმისა, რომ ვაქცინა ვერ მოახდენდა ვირუსის ანტისხეულების ნეიტრალიზებას, თუმცა მეცნიერ ფილ დორმიცერის თქმით, ზემოხსენებული შიშები უკვე გამოირიცხა. ექსპერიმენტული ლაბორატორიული კვლევები იმ ადამიანებზე ჩატარდა, რომლებსაც კოვიდ 19-ის ვაქცინა გაკეთებული ჰქონდათ.

დორმიცერის განცხადებით, Pfizer-ის ვაქცინა კოვიდ 19-ის სხვა 15 მუტაციური შტამის მიმართ აღმოჩნდა ეფექტური. კომპანია Pfizer-ში ამ დრომდე აშფოთებთ ვირუსის ახალი მუტაციური სახეობა, E484K, რომელიც შესაძლოა რთულად დასაძლევი აღმოჩნდეს მათ მიერ წარმოებული ვაქცინისთვის.