ამერიკელმა ფარმაცევტმა COVID-19-ის ვაქცინის 500 დოზა გაანადგურა - მედიკოსი თვლიდა, რომ ვაქცინა დნმ-ის კოდს შეცვლის

მსოფლიო - 14:46, 05 Jan, 2021

2115

კოვიდის ვაქცინის განდაგურების მცდელობა შეთქმულების თეორიის მოტივით - აშშ-ში პოლიციამ ფარმაცევტი დააკავა, რომელმაც ვისკონსინის საავადმყოფოდან კოვიდ 19-ის ვაქცინის 500 დოზა მოიპარა. ადგილობრივი პოლიციის ინფორმაციით, მედიცინის სფეროს მუშაკს შეთქმულების თეორიის სჯეროდა - იგი მიიჩნევდა, რომ კორონავირუსის საწინააღმდეგო ვაქცინა ადამიანების საზიანოდ გამოიგონეს, რათა მათი მიღების ტოტალურად მოეხდინათ დნმ-ის კოდის ცვლილება.

როგორც ადგილობრივი მედია წერს, პოლიციის თქმით, 46 წლის სტივენ ბრანდენბურგი, რომელიც ღამის ცვლაზე მუშაობდა ავრორას სამედიცინო ცენტრში, 12 საათის განმავლობაში მაცივრიდან ორჯერ ამოიღო მოდერნას ვაქცინიანი სინჯარების ყუთი, რომლის შემდეგაც ვაქცინები გამოყენებისთვის უსარგებლო გახადა. სამართალდამცავებმა აღნიშნეს, რომ ბრანდენბურგი ამას გამიზნულად აკეთებდა, რათა ვაქცინის ეფექტურობის ხარისხი შეემცირებინა. აღნიშნული ფაქტი საახალწლო დასვენების დღეების განმავლობაში მოხდა, როდესაც შტატის ხელმძღვანელობა გამალებით ცდილობდა ვირუსთან ბრძოლის წინახაზზე მყოფი მედიცინის მუშაკებისთვის მიეწოდებინათ კორონავირუსის საწინააღმდეგო ვაქცინები.

ვისკონსინის შტატს ვაქცინების 159 800 დოზა უკვე მიეწოდა, რომელთაგან 64 657 გამოყენებულ იქნა. გამომძიებელთა თქმით, სინჯარებში სულ 570 ვაქცინის დოზა იყო მოთავსებული, რომელთა ღირებულება 8000-იდან $12 000-მდე შეადგენს.