თაროზე შემოდებული საქმეები - პატიმრები ზეწოლისა და წამებაზე ღიად ალაპარაკდნენ

სამართალი - 17:10, 04 Jan, 2021

1387

ადამიანის უფლებათა ცენტრში პატიმრების მიმართ წამებისა და არაადამიანური მოპყრობის ფაქტებზე არა ერთი განცხადება შევიდა. განცხადებებში დეტალურად არის აღწერილი ციხის მაღალჩინოსნების მხრიდან ფსიქოლოგიური და ფიზიკური ზეწოლის შემთხვევები.

ტვ პირველის ეთერში გასულმა ისტორიამ, რომელიც ყოფილ პატიმარს ლაშა ტაბატაძეს ეხებოდა, არასამთავრობო სექტორს გაუჩინა ეჭვი, რომ საქმეზე გამოძიება, შესაძლოა, დროში გაიწელოს ან თაროზე შემოიდოს.
მესამე სექტორის განცხადებით, არა ერთი შემთხვევა ყოფილა, როდესაც პატიმარს ციხეში არსებულ სიტუაციაზე საჩვარი დაუწერია, თუმცა ის რეაგირების გარეშე დარჩენილა:
"მსჯავრდებულები ადამიანის უფლებათა ცენტრს ძალიან ხშირად მომართავენ და გვიყვებიან, როგორც ფიზიკური, ისე ფსიქოლოგიური ზეწოლის შესახებ, ძალიან ხშირია შემთხვევები, როდესაც უკვე აღარ უჩნდებათ გამჟღავნების სურვილიც კი, რადგან პატიმრები ხედავენ, რომ რეაგირება არ ხდება მათ საჩვრებზე და ფიქრობენ, რომ აზრი ეკარგება ამაზე ღიად საუბარს. არის შემთხვევები, როდესაც აგრძელებენ ბრძოლას პატიმრები, თუმცა გამოძიების პროცესი ძალიან არის დროში გაწელილი" - განაცხადა ადამიანის უფლებათა ცენტრის იურისტმა.

პარლამენტის იურიდიული კომიტეტის თავმჯდომარე ანრი ოხანაშვილი მიმართავს ყველა პატიმარს, რომ მსგავსი შემთხვევები არ დამალონ და აუცილებლად მიმართონ გამოძიებას.

შეგახსენებთ, რომ ყოფილმა პატიმარმა ლაშა ტაბატაძემ ტვ პირველის ეთერში 8 წლიანი პატიმრობის განავლობაში მასზე განხორციელებულ ზეწოლასა და ძალადობაზე ისაუბრა.