ახალციხის რაიონულ სასამართლოში შვილის მკვლელობის საქმეზე დაკავებული დედის სასამართლო პროცესი დასრულდა - მოსამართლემ საპროცესო გარიგებაზე ადვოკატის შუამდგომლობა არ დააკმაყოფილა და ბრალდებული პატიმრობაში დატოვა.

პროკურორმა განმარტა, რომ შესაძლებელი იყო ბრალდებულს ქვეყანა დაეტოვებინა, რადგან მას აქვს სხვა ქვეყანაში ბინადრობის უფლება.

შეგახსენებთ, რომ 62 წლის ქალს ოჯახის წევრის განზრახ მკვლელობაში ედება ბრალი - მან 1 იანვარს, ღამით, სახლში ურთიერთშელაპარაკების დროს, საკუთარ შვილს, 41 წლის მამაკაცს, დანით, გულმკერდის არეში სასიკვდილო ჭრილობა მიაყენა. ბრალის დამტკიცების შემთხვევაში, მას 13-დან 17 წლამდე თავისუფლების აღკვეთა ემუქრება.