კალინიგრადის ერთერთ ტელევიზიაში ვლადიმერ პუტინის საახალწლო მილოცვის დროს ტექნიკური დეფექტი გაიპარა - ტელეტრანსლირებისას ეკრანზე პრეზიდენტის მხოლოდ პირი ჩანდა.

ტელეარხის ხელმძღვანელობამ დეფექტი მალევე შენიშნა და პუტინის საახალწლო მილოცვის ნაცვლად ეთერში მუსიკალური რგოლი გაუშვა.

მეორე დღეს არხის ხელმძღვანელობამ განაცხადა, რომ დეფექტი საეთერო აპარატურის ტექნიკური ხარვეზის გამო მოხდა, ბოდიში მოიხადა და დამნაშავეების დასჯას დაპირდა.