როგორც ჟურნალისტებს დღეს გამართულ პრესკონფერენციაზე მინისტრმა განუცხადა, ხელისუფლების დაპირება იმის შესახებ, რომ სამართლიანობა აღდგება, ძალაში რჩება.

"ამ კომისიაზე მუშაობა გრძელდება. აქ შეიძლება ახლა სახელმწიფოებრივი საიდუმლოება გავთქვა, მაგრამ დღეს საღამოს ვიკრიბებით იმისათვის, რომ რაღაც საკითხებზე შევჯერდეთ. მთავარი არის ის, რომ ყველა გადაწყვეტილება, რასაც ჩვენ მივიღებთ, უპირველეს ყოვლისა ფინანსური და ეკონომიკური თვალსაზრისით უნდა იყოს დასაბუთებული. არანაირი აზრთა სხვადასხვაობა არ არსებობს, ჩვენი მთავარი დაპირება რაც იყო და დარჩება, არის სამართლიანობის აღდგენა", - განაცხადა ნოდარ ხადურმა.