დღეს დასავლეთ საქართველოს სანაპიროზე შტორმია მოსალოდნელი. გავრცელებული ინფორმაციის თანახმად, საქართველოს მტელ ტერიტორიაზე ცივი და ნოტიო ჰაერის მასები გავრცელდება.

დღეს ძლიერი ქარი და წვიმაა მოსალოდნელი აღმოსავლეთ საქართველოს უმეტეს რაიონებში, მაღალმთიან რეგიონებში - ქარბუქი. იქროლებს ძლიერი ქარი, მათ შორის თბილისში - 20-25 მეტრი წამში, ზოგან ქარის სიჩქარემ შესაძლოა 28-30 მეტრს მიაღწიოს.

4-5 დეკემბერს, ღამით აღმოსავლეთ საქართველოს დაბლობში ყინვაა მოსალოდნელი. ჰაერის ტემპერატურა -5-6 გრადუსი იქნება, თბილისში -2; მაღალმთაში -18 გრადუსი. თოვლის ნალექი შენარჩუნდება შიდა ქართლის რეგიონში.

4 დეკემბრიდან 8 დეკემბრამდე ქვეყნის მთელს ტერიტორიაზე გამოიდარებს, თუმცა რამდენიმე დღით სიცივე შენარჩუნდება.