მიხეილ სააკაშვილმა 2008 წელს რუსეთ-საქართველოს ომის დროს დაზარალებული მოსახლეობის დასახმარებლად გამოგზავნილი იმ ხუთი მილიარდიდან, რომელიც აშშ-მა დახმარების სახით საქართველოს გამოუყო, 200 მილიონიანი იახტა იყიდა - ამის შესახებ გაზეთი ,,ქრონიკა“ საკუთარ ინფორმაციაზე დაყრდნობით წერს.

„სააკაშვილს ფეშენებელური იახტა ჰყავს, რომელსაც მეტად ტრივიალური სახელი „სწრაფი“ ჰქვია.“- წერს გაზეთის ჟურნალისტი. მისივე მტკიცებით, სააკაშვილმა იახტის აგების შეკვეთა 2010 წელს ცნობილ გემთმშენებელ კომპანიას მისცა:

„კომპანია bloh bioms+voss არ მუშაობს, თუ შეკვეთის ღირებულება 50 მლ დოლარს არ აღემატება. ამ კომპანიამ აუგო იახტა ცნობილ რუს ოლიგარქს, რომან აბრამოვიჩს“- წერს ჟურნალისტი. „ქრონიკის“ ინფორმაციით ,,სწრაფის“ შესაძენი ფული სააკაშვლმა იმ 5 მილიარდიდან „მოტეხა“, რომელიც საქართველოს ამერიკის მთავრობამ გამოუყო, რათა დანგრეული ეკონომიკა ფეხზე დაეყენებინა და დევნილ მოსახლეობას ღირსეულად დახმარებოდა“.

მისივე თქმით, იახტა ოფშორულ ზონაში არის დარეგისტრირებული და ის მსოფლიოს უმდიდრესი იახტების ათეულში შედის. „მიშა სააკაშვილის იახტა 30 კაცზეა გათვლილი, ამას ცხადია, უნდა დავუმატოთ, იახტის ეკიპაჟის 6 წევრი და 12 კაცისაგან შემდგარი მომსახურე პერსონალი.

ამ ხალხით, სააკაშვილის იახტას, როცა დასჭირდება, ერთ-ერთი ჰოლანდიური კომპანია ამარაგებს, მას იახტების მომსახურების მრავალწლიანი გამოცდილება აქვს. იახტა ჰოლანდიის საპორტო ქალაქ როტერდამში დგას“, - წერს ჟურნალისტი.

მისივე თქმით, იახტას ვერტმფრენის დასაჯდომად აეროდრომიც აქვს მოწყობილი და ასევე პაპარაცებისაგან თავდასაცავად სპეციალური ლაზერითაა აღჭურვილი, რომელიც გარკვეულ პერიმეტრზე კამერებს პოულობს და პირდაპირ  ლინზას ასვამს ლაზერს, რის შემდეგაც ყველა ფოტო და ვიდეომასალა იშლება.

შენიშვნა: ფოტო შერჩეულია შემთხვევითობის პრინციპით და მხოლოდ თემატურად უკავშირდება სტატიას.