პოეტი ჯანსუღ ჩარკვიანი გაზეთ „ქრონიკასთან“ ინტერვიუში ამბობს, რომ თბილისის მერის თანამდებობაზე ნებისმიერი კაცის არჩევა უხერხულია. მისი თქმით, ამ თანამდებობაზე ქალი უნდა აირჩიონ: „პირადად მე ქალს ავირჩევდი, რომელსაც ერქმეოდა მერი. მეუხერხულება ბიჭო, თბილისის ხელმძღვანელი არის კაცი და ჰქვია სახელი - მერი!

მარგველაშვილი თბილისელია, პრემიერი - კახელი, რა მნიშვნელობა აქვს, ბიჭო, თუ ორივე კარგია?“, - კითხულობს პოეტი.

ჯანსუღ ჩარკვიანი ინტერვიუში თბილისის მერის წარმომავლობის სესახებ სოციალურ ქსელებში დაწყებულ განხილვასაც ეხმიანება:

„ბიჭო, უნდა იცოდე, ვინ ვინ არი. მე ვიცი ძალიან ბერი ქალაქელი ქაჯი! ახლა ზოგიერთს ავუხსნი, რას ნიშნავს პროვინციალიზმი: 

თუ შენ საზოგადოების წევრი ვერ გახდები, ესე იგი, ხარ პროვინციელი. თუ საზოგადოების წევრი გახდები, გინდა თბილისელი იყავი, გინდა - ქუთაისელი, ამას მნიშვნელობა არა აქვს. ერთი საოცარი რაღაცა მახსოვს, ქუთაისს თავის დროზე ხელმძღვანელობდა სოლიკო ხაბეიშვილი, თბილისელი კაცი...“- ამბობს ჩარკვიანი.

ჯანსუღ ჩარკვიანი ინტერვიუში ბიძინა ივანიშვილსაც აფრთხილებს: „მე ბიძინა ივანიშვილსაც და ირაკლი ღარიბაშვილსაც ვურჩევ: რაც მოიპოვეს, ის შეინარჩუნონ...

ფრთხილად, „ნაცისტები“ საქართველოში ჯერ კიდევ არსებობენ!“- აცხადებს ჯანსუღ ჩარკვიანი გაზეთ „ქრონიკასთან“.