ოსკაროსანი მსახიობი, ლეგენდარული კრისტოფერ უოკენი სტივენ კოლბერტის შოუს Zoom–ის საშუალებით ჩაერთო. საუბრისას მსახიობმა განაცხადა, რომ ის თანამედროვე ტექნიკაში საერთოდ ვერ ერკვევა.

„არც პერსონალური კომპიუტერი და არც მობილური ტელეფონი მაქვს“, – აღნიშნა მსახიობმა.

მისი თქმით ასე პროტესტის ნიშნდ არ იქცევა და დასძინა, რომ ტექნოლოგიურ განვითარებას 10 წლით ჩამორჩა:

„რა თქმა უნდა, ბოლო წლებში, გადაღებების პერიოდში ტელეფონის ტარების ვალდებულება მაქვს, მაგრამ საერთოდ არ ვიყენებ, ერთი-ორჯერ გამოტოვებული ზარი დამხვდა და გამვლელებს ვთხოვე, ესწავლებინათ უკან გადარეკვა". – ამბობს 77 წლის მსახიობი.

უოკენს ათობით საინტერესო როლი აქვს შესრულებული. მან 1979 წელს ფილმისთვის „ირმებზე მონადირე“, ოსკარი მიიღო.