ბადრი ესებუას ძმას, ბიძინა ესებუას, სასამართლომ აღკვეთი ღონისძიების სახით პატიმრობა შეუფარდა. როგორც ესებუას ადვოკატმა, იოსებ ჯანაშიამ აღნიშნა, ესებუაზე ზეწოლა ხორციელდება.

"სამწუხაროდ, ბრალდების მხარის შუამდგომლობა დააკმაყოფილეს და ბიძინა ესებუას აღკვეთის ღონისძიების სახით პატიმრობა შეეფარდა, მიუხედავად იმისა, რომ ჩვენ ავხსენით ყველა დეტალი მოცემულ საქმესთან დაკავშირებით. სამწუხაროდ, ამ პირის მიმართ ხორციელდება არათუ სამართლებრივი და იძულების ღონისძიებები, არამედ ხორციელდება ზეწოლა", - განაცხადა ადვოკატმა.