დეკანოზი დავით ისაკაძე „რუსთავი2“-ის პროგრამა „პოსტსკრიპტუმში“ კიდევ ერთხელ გამოეხმაურა სოფელ ჭელაში მინარეთის აღმართვის საკითხს და განაცხადა, რომ სამღვდელოება და მრევლი ვერ დაუშვებს „თურქულ ექსპანსიას“ საქართველოში:

„ჩვენ ვერ დავუშვებთ იმას, რომ მოხდეს თურქული ექსპანსია საქართველოში, რამეთუ როცა თურქული ფულით შენდება საქართველოში მეჩეთი და მინარეთი, თურქული ფულით დაფინანსებული მუსულმანი აკეთებს თურქულ საქმეს“, - აცხადებს დეკანოზი.

დავით ისაკაძე ასევე ამბობს, რომ მინარეთი ჭელაში ანტიქართულ განწყობას ქმნის, ხოლო „მაჰმადიანი ქართველი“ ქართველი არ არის:

„.. და თქვენ გჯერათ, რომ მაჰმადიანი ქართველი მართლა ქართველია? მე არ მჯერა. არ მჯერა იმიტომ, რომ მისი ორიენტაცია სულ სხვა არის. ჩვენი წინაპრები ისლამის წინააღმდეგ იბრძოდნენ, რომლებსაც მახვილით უნდოდათ გაევრცელებინათ საქართველოში მაჰმადიანობა. ჩვენი წინაპრები ამას ებრძოდნენ. და აი ამ, სისხლით მორწყულ მიწაზე აღიმართა დღეს მინარეთი...“, - აცხადებს დეკანოზი დავით ისაკაძე „პოსტსკროპტუმთან“.