პატიმართა შეწყალების სახელმწიფო კომისია მეორე სამუშაო შეხვედრას დღეს, პრეზიდენტის ავლაბრის ადმინისტრაციაში 11:00 საათზე გამართავს.

მისივე ინფორმაციით, კომისიის წევრები მიმდინარე კვირაში რეგულარულად შეიკრიბებიან და შეხვედრებს ყოველდღიურ რეჟიმში გამართავენ. პატიმართა შეწყალების კომისიამ ახალი შემადგენლობით პირველი სამუშაო შეხვედრა 29 ნოემბერს გამართა.

აღნიშნულ შეხვედრაზე კომისიის წევრებმა 78 საქმე განიხილეს. აპარატში ამ დროისთვის 600-ზე მეტი საქმეა შესული.

ამასთან, კომისიის თავმჯდომარის ინფორმაციით, შესაძლოა, შეწყალების აქტი ორჯერ, საახალწლოდ და საშობაოდ განხორციელდეს. შეწყალების კომისიის პირველი სხდომა სავარაუდოდ, დეკემბრის შუა რიცხვებში გაიმართება.