ასტროლოგი სოფია ბზეკალავა, პორტალ „ნარგისთან“ საუბრისას 2021 წლის მთავრ ტენენციებზე საუბრობს. მისი თქმით, 2021 წლიდან ადამიანები საკუთარ თავზე და სხვებზე ზრუნვას დაიწყებენ.

♊ტყუპი, ♎სასწორი, ♒მერწყული - ჰაერის ნიშნებისთვის საკმაოდ კარგი წელი იქნება, თუმცა ტყუპებისთვის წლის მეორე ნახევარი იქნება გარკვეულწილად გამოცდა, კარგად უნდა დაუკვირდეს ვისთან რას და როგორ ამბობს, ამიტომაც მოუწევს გარკვეული ემოციური გამოცდის გავლა.

♓თევზებისთვის, ♍ქალწულისთვის და ♐მშვილდოსნისთვის, 2021 წელი შესაძლოა, კარდინალური ცვლილებების წელი გახდეს, კარგისკენ იქნება ეს თუ ცუდისკენ, თავად უნდა გადაწყვიტოთ იმ შესაძლებლობების გააზრებით, რომლებსაც სამყარო გაძლევთ.

თუკი რაიმეს შეცვლა გსურთ და აქამდე ვერ ახერხებდით, ჩათვალეთ, რომ ახლა დადგა ამის დრო. სამყარო გთხოვთ, გაიფართოვოთ თვალსაწიერი და არ ჩააბჟირდეთ ძველსა და უტრირებულს. მომავლის პერსპექტივა უნდა დაისახონ, განსაკუთრებით ამ ოთხმა ნიშანმა.

♈ვერძის ნიშნის ქვეშ დაბადებულებისთვის 2021 კი უკეთესი იქნება.

♉კუროებისთვის - 2021 წელი არის გამოწვევების წელი. იქნება სიახლეების პერიოდი მან ამ წელში ყველაფერი ძველი უნდაჩამოიშოროს. ჩემი რჩევა მათდამი იქნება, რომ სიახლეებს არ შეუშინდნენ.

♍ლომის შემთხვევაში გააჩნია დეკადას, თუკი ივლისის ლომია, შეიძლება პასუხისმგებლობები მოემატოს, ოჯახი შექმნას ან პროფესიულად წაიწიოს წინ. ლომი ფიქსირებული ნიშანია, მას მოსწონს მოპოვება და შენარჩუნება, ამიტომაც მოუწევთ გადახედონ თავიანთ შეხედულებებს, ცოტა დიქტატორული ნიშანია, მსოფლიოში ბევრი დიქტატორი სწორედ ლომის ნიშნითაა დაბადებული... მოუწევთ ბევრი საკუთარი მიდგომის და პრინციპის „მე ყოველთვის მართალი ვარ“ შეცვლა.

♐მშვილდოსანს შეიძლება ჰქონდეს კარდინალური ცვლილებები, როგორც ზევით აღვნიშნეთ, წლის მეორე ნახევარი კი შეიძლება, სასიკეთო აღმოჩნდეს, ეს არის პერიოდი, როდესაც თეთრი მთვარე, სელენა მათ ნიშანში გადადის და ეს გარკვეულწილად ზურგის ქარიც შეიძლება აღმოჩნდეს მათთვის.

♏მორიელს გარკვეული ნაწილისთვის შეიქმნება სირთულეები, განსაკუთრებით მათთვის, ვინც ოქტომბრის ბოლოს და ნოემბრის დასაწყისშია დაბადებული.

♋კირჩხიბისთვის ნორმალური წელია, 2018-2019 წელს, დამეთანხმებიან ალბათ, ბევრ მათგანს უამრავი პრობლემა შეექმნა, ფსიქოლოგიური თუ ოჯახური კუთხით. 2021 არ იქნება ასეთი რთული.

♓თევზებისთვის შესაძლებლობების წელიწადია, ზოგისთვის მინუსში, ზოგისთვის პლუსში, გააჩნია, როგორ დაინახავთ შესაძლებლობებს.

♑თხის რქებმა უმძიმესი პერიოდი გაიარეს, ბარიკადებზე დგომა და სირთულეები. 2021 წელი მათთვის ფინანსური წინსვლის ეტაპი იქნება. ბევრი ჯგუფური პროექტი და ახალი კრეატიული საქმიანობის დაწყების შესაძლებლობა და შესაბამისად, შემოსავლები გამოჩნდება.

♒მერწყულებისთვის - ერთ-ერთი მნიშვნელოვანი წელია განსაკუთრებით იანვარში და თებერვლის პირველ დეკადაში დაბადებულებისთვის. ისინი აუცილებლად მიიღებენ საჩუქრებს სამყაროსგან, გრანდიოზულს, მაგრამ მათგან ეს საჩუქრები გრანდიოზულ დანახარჯებს მოითხოვს. მიიღებენ დიდ შესაძლებლობებს, მაგრამ შრომის გარეშე გაუჭირდებათ. ვისაც აქვს განვითარებული თვითდისციპლინა, ბევრს მიაღწევს. კომპრომისები ძალიან მნიშვნელოვანი იქნება.

წყარო: nargismagazine.ge