რუსეთში მცხოვრებმა ქართველმა მომღერალმა ვალერი მელაძემ გამოაქვეყნა ფოტო, სადაც კოსტიასთან – თავის შვილთან ერთადაა გადაღებული. ვალერი მელაძეს კონსტანტინე „ვიაგრას“ ექსსოლისტისგან ალბინა ჯანაბაევასგან ჰყავს.

ამასთან, დღეს რუსეთის ტელევიზიის პირველ არხზე გავიდა დოკუმენტური ფილმი ვალერი მელაძის შესახებ, სახელწოდებით „არავინაა დამნაშავე“. ფილმში მელაძე შვილების, ხოლო შვილები – მამის შესახებ ჰყვებიან.

ვალერი მელაძე ჰყვება, როგორ ამაყობს სამივე ქალიშვილით. ვალერი მელაძის უფროსი ქალიშვილი ინგა ოქსფორდის უნივერსიტეტის სტუდენტია.

ვალერი მელაძე ამ ეტაპზე მეუღლესთან ირინასთან განქორწინების პროცესშია, რომელთანაც 25 წლიანი თანაცხოვრება აკავშირებს. წყვილმა ამ 25–დან 18 წელი ქორწინებაში იცხოვრა და სამი ქალიშვილი შეეძინა.

ვალერი მელაძეს ალბინა ჯანაბაევასგან ერთი შვილი ჰყავს: „ასე გამოვიდა, რომ ჩემს ძმას, კონსტანტინეს ჰყავს შვილი, რომელსაც ვალერი დაარქვა, მე კი მყავს ვაჟიშვილი, რომელსაც კონსტანტინე დავარქვი“, – ამბობს ქართველი მომღერალი.