ჯაი სინ პრაბეკარი – ინდოეთში ალვარის მაჰარაჯა გახლდათ 1882 წლიდან 1937 წლამდე. ეს უკანასკნელი ძვირადღირებული ავტომობილების მოყვარული გახლდათ და გასულ საუკუნეში, მაშინ როცა საავტომობილო ინდუსტრია ფეხს იდგამდა, რა მიიზიდავდა თუ არა „როლს როისი“.

შედეგად, ძალიან სახალისო და საინტერესო ისტორიაც არსებობს ამ მარკის ავტომობილისა და მაჰარაჯას ურთიერთობის შესახებ.

1920 წელს სამოქალაქო სამოსში შემოსილი პრაბეკარი ინგლისში იმყოფებოდა და „როლს როისის“ შოუ რუმში ვიზიტისას ე.წ. ტესტ დრაივი მოუთხოვია. იგი საკმაოდ უხეშად გამოუსტუმრებიათ და უარიც უთქვამთ ტესტ–დრაივზე, რადგან ჩათვალეს, რომ მაჰარაჯა, რომელიც ჩვეულებრივი სამოქალაქო პირივით გამოიყურებოდა, ვერ შეძლებდა ძვირადღირებული ავტომობილის შემდგომში შეძენას.

ინდოეთში დაბრუნებულმა პრაბეკარმა 7 ახალი „როლს როისი“ შეიძნია და ნაგვის ავტომობილებად გადააკეთა, რომლებითაც ქუჩებს ასუფთავებდნენ.

„შურისძიების“ ეს ისტორია დღემდე აქტუალურია. მოგვიანებით „როლ როისის“ ოფიციალურმა წარმომადგენლობამ, მაჰარაჯას ბოდიშის წერილი გაუგზავნა.