არასამთავრობო ორგანიზაცია "სამართალდამცავთა დაცვის ლიგა“, ბოლო პერიოდში, სასჯელაღსრულების სისტემაში შექმნილ ვითარებას საგანგაშოდ აფასებს. სხვადასხვა საინფორმაციო სააგენტოების მიერ გავრცელდა ინფორმაცია, იმის თაობაზე, რომ 2013 წლის 17 ნოემბერს ქსნის ციხეში სკაიპის მეშვეობით ერთ–ერთი მსჯავრდებული "კანონიერ ქურდად" მონათლეს. აღნიშნულმა ფატქმა უწყების ხელმძღვანელები სერიოზულად უნდა დააფიქროს. სისტემაში გასატარებელია მნიშვნელოვანი საკადრო ცვლილებები. წინააღმდეგ შემთხვევაში სასჯელაღსრულების დაწესებულებებში ვითარება უმართავი გახდება. აქვე ავღნიშნავთ, რომ ქსნის ციხეში პატიმრის „ქურდად“ მონათვლა სრულიად ეწინააღმდეგება სახელმწიფოებრივ პრინციპებს, იმ პრინციპებს და რეფორმებს, რომლებიც ბოლო წლებში სამართალდამცველებმა კრიმინალური სამყაროს მიმართ განახორციელეს.

შეგახსენებთ, რომ 90–იანი წლების საქართველოში, სასჯელაღსრულების სისტემიდან კონტროლდებოდა ქვეყანაში არსებული კრიმინოგენული ვითარება, კერძოდ: ნარკოტრაფიკი, ავტომანქანების გატაცებები, შავი ფულის მიმოქცევა და ე.წ „ რეკეტი“. მიგვაჩნია, რომ თუ სისტემაში დღეის მდგომარეობით არსებული ვითარება არ გამოსწორდება და სასჯელაღსრულების დეპარტამენტი ვერ უზრუნველყოფს ეფექტურ კონტროს, თუ ვერ უზრუნველყოფს პატიმრების უკანონო კომუნიკაციას დანაშაულებრივი სამყაროს ლიდერებთან, წინაღმდეგ შემთხვევაში ქვეყანაში კრიმინოგენული ვითარება მკვეთრად გაუარესდება.