ოკუპანტებმა ეწ საზღვრის სადემარკაციო სამუშაოები გუშინ დაიწყეს და წითლად შეღებილ რკინის კონსტრუქციებზე მავთულხლართები გაავლეს. ადგილობრივები "ნიუპოსტთან" საუბრისას აცხადებენ, რომ სოფელში ცხოვრება გაუსაძლისი გახდება, რადგან მოსახლეობის დიდი ნაწილი მოსავლის იმედად ცხოვრობს "თავიდან 5 დღის წინ შემოვიდნენ და ტრაფარატები დააყენეს ჩვენს მიწაზე, მერე გუშინ გადმოვიდნენ შეიარაღებულები ბოძები მოიტანეს და მავთულხლართების გაკეთება დაიწყეს, რა იქნება არ ვიცით პირადად ჩემი ნაკვეთები მიყვება ნიორი დავთესე ცოტახნის წინ და რად გინდა, ჩაგვიკეტეს ის ძირითადი წყარო რითიც ვსაზრდოობდით. ჯერ არავინ იცის შეიძლება უფრო დიდი ტერიტორია მოყვეს ოსების ტერიტორიაზე ჯერ ვინ რა იცის სადამდე გაავლებენ საზღვარს? სოფელშიც რომ ჩამოვიდნენ რას ვიზამთ? ვერც ვერაფერს. აცხადებს "ნიუპოსტთან" თემურ თერეშვილი. 

გულნარა ღვალაძე " თუ ასე გაგრძელდა სოფელი დაიცლება, ჯერ ისედაც ახალგაზრდები არ ჩერდებიან და სოფლიდან თავის გახწევას ცდილობენ მთელი სოფელი უღატაკესი ხალხი ვართ ერთადერთი რითიც გაგვქონდა თავი ნაკვეთები იყო და საქონელი მიწები წაგვართვეს, ტერიტორიები აღარ გვაქვს და ვეღარც საქონელს ვუშვებთ საძოვარზე. შიშით და უბედურებით ვცხოვრობთ, მოგვხედოს მთავრობამ რისთვის გვყავს? გამოგვიყონ ამ დაკარგული მიწების სანაცვლოდ ნაკვეთები, თორემ შიმშილით დავიხოცებით მთელი სოფელი"

რუსმა ოკუპანტებმა ეწ საზღვრის სადემარკაციო სამუშაოები ღოღეთში გუშინ დაიწყეს და დაახლოებით რკინის კონსტრუქციების დამონტაჟება 150 მეტრზე შეძლეს. 5 დღის წინ საოკუპაციო რეჟიმმა ამავე სოფელში აბრები დაამონტაჟა სადაც ქართულ, რუსულ და ინგლისურ ენებზე წერია რომ სახელმწიფო საზღვარია და გადაადგილება აკრძალულია. რუსი სამხედროები ღოღეთში დღეს დილითაც გამოჩნდნენ სავარაუდოდ სადემარკაციო სამუშაოების გაგრძელების მიზნით, თუმცა, მათ როდესაც საოკუპაციო ხაზთან ჟურნალისტები შენიშნეს, უკან გაბრუნდნენ და ტერიტორიას შორიდან აკონტროლებდნენ, ადგილობრივები შიშობენ რომ რუსები ეწ საზღვრის სადემარკაციო სამუშაოებს კვლავ განაახლებდნენ.

გიორგი ახალკაცი "ნიუპოსტი".