როგორც დღეს დილით ნანა კაკაბაძემ განაცხადა , მასთან დილიდან შედის ინფორმაცია, რომ სასჯელაღსრულების სხვადასხვა დაწესებულებებში შიმშილობა პატიმრების უმრავლსობამ მათ შორის უვადო პატიმრებმაც გამოაცხადეს პატიმრები იუსტიციის მინისტრის იმ გადაწყვეტიებას აპროტესტებენ რომლის მიხედვითაც ხარვეზების შემსწავლელი კომისია აღარ შეიქმნება.

მინისტრი სოზარ სუბარი კი აცხადებს რომ კომისიის შექმნა დრობით გადაიდო.

"ხარვეზების შემსწავლელი კომისიის შექმნა არავის გადაუფიქრებია და ტყუილად ღელავენ,“- აცხადებს მინისტრი. მისი თქმით, 22 პატიმარი შიმშილობს, თუმცა ის პირადად ეუბნება ყველას რომ ტყუილად ღელავენ.

"რადგანაც ეს შეიძლება დაკავშირებული იყოს გარკვეულ ფინანსურ საკითხებთან, რაღაც დეტალები უნდა დაზუსტდეს და შესაძლებელია გარკვეული კომისიაც შეიქმნას, რომელიც უკვე იმუშავებს არა იმდენად კანონპროექტზე, არამედ უკვე შემდგომ რა ნაბიჯები უნდა იყოს. ტყუილად ღელავენ, არავის არ გადაუფიქრებია ამ კომისიის შექმნა", - განაცხადა სოზარ სუბარმა. აღნიშნულ საკითხზე განცხადების გავრცელებას აპირებს სახალხო დამცველი უჩა ნანუშვილიც.