მიკროსაფინანსო ორგანიზაცია "ემ ბი სი", სადაც თავდამსხმელს მძევლები ჰყავს აყვანილი განცხადებას ავრცელებს. ორგანიზააცის განცხადებით, შსს-ს მითითებით მოქმედებენ და ყევალფერს გააკეთებენ იმისთვის, რომ პროცესი მშვიდობიანად დასრულდეს.

"გვინდა გავაკეთოთ განცხადება ამ მომენტში მიმდინარე მოვლენებთან დაკავშირებით: ჩვენი კომპანია სრულ კოორდინაციაშია შინაგან საქმეთა სამინისტროსთან, ვმოქმედებთ მათი მითითებების შესაბამისად.

ჩვენი შესაძლებლობების ფარგლებში გავაკეთებთ ყველაფერს, რომ პროცესი მშვიდობიანად დასრულდეს. შექმნილ მდგომარეობაში, თანამშრომლების ჯანმრთელობა და უსაფრთხოება "ემბისი"-ს უპირველესი ამოცანაა", -ვკითხულობთ განცხადებაში.

თბილისში წერეთლის ქუჩაზე მდებარე მიკროსაფინანსო ორგანიზაცია მიკრობიზნესკაპიტალის შენობაში შეიარაღებული პირი არის შეჭრილი. საპატრულო პოლიციის უფროსის ვაჟა სირაძის ცნობით, თავდამსხმელს 9 მძევალი ჰყავს აყვანილი.

ცეცხლსასროლი იარაღის მართლსაწინააღმდეგო შეძენა-შენახვა-ტარებას და ყაჩაღობას ფაქტზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო