მსოფლიოს მასშტაბით სხვადასხვა ქვეყანაში მრავალი ტრადიცია არსებობს, მათ შორის საქორწილო. გთავაზობთ რამდენიმე მათგანს, რომლებიც იმდენად უცნაურად მოგეჩვენებათ, რომ მარტოობას დააფასებთ.

გერმანია – ჭურჭლის დამსხვრევა

ქორწილის დღეს ნეფისა და პატარძლის ოჯახის წევრები სახლში არსებულ ჭურჭელს ამსხვრევენ და ახალდაქორწინებულების სახლის ზღურბლთან ყრიან, მათ სჯერათ, რომ ეს ბედნიერების მომტანი იქნება.

ჩინეთი – ერთთვიანი ტირილი

ექსტრემალურად უცნაური ტრადიცია, რომელსაც ჩინეთის მოსახლეობის მცირე ნაწილი იცავს. ქორწინებამდე ერთი თვით ადრე საპატარძლო იწყებს ტირილს, 10 დღეში დედა უერთდება, ბოლოს კი ბებიაც და მთელი თვე განუწყვეტლივ ტირიან. მათ სჯერათ, რომ ამით „ტირილის რესურსს“ წურავენ და ოჯახის შექმნის შემდეგ მათ ცხოვრებაში სატირალი აღარაფერი მოხდება.

შოტლანდია – წყვილისთვის ყველაფრის სროლა

ეს ტრადიცია არც თუ ისე მიმზიდველია, ამიტომ მას შოტლანდიის მოსახლეობის მცირე ნაწილი მისდევს. სტუმრებს უფლება აქვთ ნეფესა და პატარძალს ესროლონ ყველაფერი, რაც მოესურვებათ, რა თქმა უნდა მათი უსაფრთხოების დაცვით.

ინდოეთი – სასიძოსთვის ფეხსაცმლის მოპარვა

ჩრდილოეთ ინდოეთ ეს ტრადიცია ძალიან დიდი პოპულარობით სარგებლობს. პატარძლის დები და ნათესავები სასიძოს ფეხსაცმელს პარავენ და ცერემონიალის მიწურულს, ფულის სანაცვლოდ უბრუნებენ.

ინდონეზია – სამი დღის მოშარდვის აკრძალვა

ალბათ ეს იქნება ერთ–ერთი ყველაზე უცნაური რამ, რის შესახებაც ოდესმე გსმენიათ. ინდონეზიაში წყვილს დაქორწინების შემდეგ უფლება არ აქვს სამი დღე მოშარდოს, თუ ამას შეძლებენ ნიშნავს იმას, რომ ძალიან ბედნიერი და უდარდელი ცხოვრება ექნებათ.

კორეა – სიძის ცემა

კორეაში ქორწილის დაწყებამდე სიძეებს ტერფებზე სცემენ, რატომ? არავინ იცის, ასეთია ტრადიცია. უცნაურია არა?

კონგო – სიცილი აკრძალულია!

კონგოში ამ ტრადიციას მკაცრად მისდევენ და ნეფე–პატარძალს საქორწილო ცერემონიალის დასრულებამდე სიცილის უფლებას არ აძლევენ.