ღონისძიება არტ–ავენიუში, 16:00 საათზე დაიწყება, სადაც დევნილი ბავშვების მიერ შექმნილი ნამუშევრების გამოფენა-გაყიდვა მოეწყობა, ასევე ნაჩვენები იქნება მათ მიერ პროექტის განმავლობაში შექმნილი ფოტო და ვიდეო მასალა.

სტუმრებს საშუალება მიეცემათ იხილონ პოლონელი გრაფიკოსის ვოიტეკ კრავიეცის ნამუშევრების გამოფენაც . პროექტში მონაწილეებს სერთიფიკატები გადაეცემათ. ახალგაზრდული ასოციაცია ,,დრონი’’-სა და ბავშვთა და ახალგაზრდობის ფონდის ერთობლივი პროეექტი დევნილი მოზარდებისთვის რამდენიმე ეტაპად, სამი თვის განმავლობაში ხორციელდებოდა და მასში სკრის, შაუმიანის, კარალეთისა და შავი ზღვის დევნილთა კომპაქტური ჩასახლებებში მცხოვრები ახალგაზრდები იყვნენ ჩართულები.

პროექტის ფარგლებში, დევნილ მოზარდებს ქართველმა და ევროპის რამდენიმე ქვეყნიდან მოწვეულმა ტრენერებიმა ანიმაციისა და გრაფიკის, სოციალური მედიის, პიროვნული განვითარებისა და ადამიანის უბლებათა დაცვის საკითხებში ტრენინგ კურსები ჩაუტარეს.

ასევე გაიმართა კულტურულ–საგანმანათლებლო ღონისძიებები, სპორტული შეჯიბრებები, პროფესიული და ცოცხალი ბიბლიოთეკა. ახალგაზრდული ასოციაცია „დრონი“ რამდენიმე წელია თანამშრომლობს დევნილთა კომპაქტურ ჩასახლებებში.

ახორციელებს სხვადასხვა სოციალურ პროექტებსა და აქტივობებს, რომლის მთავარი მიზანია ადგილობრივ და საერთაშორისო პროექტებში დევნილი ახალგაზრდების მეტი ჩართულობა და მათი საერთაშორისო საზოგადოებაში ინტეგრირება.