81 წლის იტალიელმა მამაკაცმა მის მეუღლეს, რომელსაც კორონავირუსი აქვს, საავადმყოფოს ეზოდან სერენადა შეუსრულა. პანდემიის პირობებში არსებული რეგულაციების გამო, მას მეუღლის მონახულების უფლება არ აქვს და გამხნევების ორიგინალური მეთოდი მოიფიქრა.

სოციალურ ქსელში გავრცელდა ვიდეო, სადაც 81 წლის სტეფანო ბოჟინი სკამზე ზის და ოკორდეონზე უკრავს. მისი ცოლი, კარლა და საავადმყოფოს პერსონალი კი მას შენობის ღია ფანჯრებიდან უსმენენ.

ბოჟინი იტალიის არმიაში მსახურობდა, ვიდეოში კი მას თავისი უნიფორმის ქუდი ახურავს.

მან კარლას ბრიტანელი მუსიკოსის, ენგელბერთ ჰამპერდინქის კომპოზიციამ – Spanish Eyes შეუსრულა.

მოხუცმა The Guardian–ს განუცხადა – "მას ისე უყვარს ეს სიმრეა, სახლში სულ ამას ვუკრავ მისთვის. თუმცა, მხოლოდ ეს არ შემისრულებია, ერთმანეთის მიყოლებით ვასრულებდი იმ კომპოზიციებს, რაც ყველამ იცის, საავადმყოფოდან იმდენმა პაციენტმა გამომხედა"

სტეპანო და კარლა გასული საუკუნის 80–იან წლებში დაქორწინდნენ და 47 წლის ცოლ–ქმარი არიან.

"ჩვენ მუდამ ერთმანეთის გვერდით ვართ, მას რაც სჭირს ახლა ძალიან სერიოზულია და მოვლა სჭირდება", – დასძენს სტეფანო.