26 ნოემბერს, შემოსავლების სამსახურის საბაჟო დეპარტამენტის გაფორმების ეკონომიკური ზონა "აეროპორტის“ სასაქონლო ოპერაციების განყოფილების თანამშრომლებმა შპს „ლასარეს“ საბაჟო საწყობში SAMSUNG-ისა და NOKIA-ს მარკის 408 ცალი მობილური ტელეფონი შეაჩერეს. საქონლის საერთო ღირებულება 3782,9 აშშ დოლარია.

SAMSUNG-ისა და NOKIA-ს სასაქონლო ნიშნები წარმოადგენს ინტელექტუალური საკუთრების ობიექტს, რომელიც რეგისტრირებულია საქართველოს ინტელექტუალური საკუთრების ეროვნული ცენტრის „საქპატენტის“ მიერ. აქედან გამომდინარე, საქართველოს კანონმდებლობის შესაბამისად, შემოსავლების სამსახურის საბაჟო დეპარტამენტმა საქონლის გაფორმების პროცედურები 10 სამუშაო დღით შეაჩერა.

ამასთანავე, საქონლის შეჩერების შესახებ ოფიციალურად ეცნობა საქონლისა და სასაქონლო ნიშნების მფლობელებს.