სუბარის მოადგილე გადადგომასთან დაკავშირებით განმარტებებს სოციალურ ქსელში აკეთებს.

"დღეიდან აღარ ვიკავებ სასჯელაღსრულების, პრობაციისა და იურიდიული დახმარების მინისტრის მოადგილის თანამდებობას. გადაწყვეტილება თავად მივიღე და ის არანაირ კავშირშია პოლიტიკასთან. მე უბრალოდ სხვა პოზიციაზე გადავდივარ, რომელსაც სულ მალე გავასაჯაროვებ.

ბოლო ერთი წელი ყველაზე დატვირთული (ფიზიკურად/ემოციურად), თუმცა ყველაზე მნიშვნელოვანი და საპასუხისმგებლო წელიწადიც იყო ჩემთვის. მე გულწრფელად მეამაყება, რომ მომეცა შესაძლებლობა ჩემი მცირედი წვლილი შემეტანა სასჯელაღსრულების სისტემის რეფორმის პროცესში. ბატონი სოზარი, პირველ რიგში ძალიან უშუალო და თავმდაბალი ადამიანია, რასაც ჩემთვის ყველაზე დიდი მნიშვნელობა აქვს. თანამდებობა ადამიანს დღეს აქვს და ხვალ შეიძლება არ ჰქონდეს, მაგრამ ადამიანობა არასდროს უნდა დაკარგო.

არასდროს მქონია იმის განცდა, რომ ჩემი (თუნდაც რადიკალურად განსხვავებული) აზრი და კრიტიკა ჩემთვის უნდა შემენახა. პირიქით, ყოველთვის თამამად გამოვთქვამდი ჩემს აზრს და მიხაროდა რომ დისკუსიას ჯანსაღი და კონსტრუქციული სახე ჰქონდა.

ვფიქრობ, ამ ერთ წელიწადში სასჯელაღსრულების სისტემის რეფორმის თვალსაზრისით ბევრი რამ გაკეთდა, თუმცა ეს არ ნიშნავს იმას, რომ თვითკმაყოფილებაში უნდა გადავვარდეთ, მოვეშვათ და კიდევ უფრო მეტის გაკეთების ამბიცია და შორსმიმავალი გეგმა აქ გვქონდეს", - წერს ჯაფარიძე Facebook-ის საკუთარ გვერდზე.