„ეს არის ჩვენი წინაპრების სისხლით მორწყული მიწა, სწორედ მუსულმანებთან ბრძოლაში, სისხლით მორწყული მიწა და ორმაგად უფრო შეურაცხმყოფელია, ის, რაც დღეს აქ მოხდა. მე ვთვლი, რომ არცერთი ქართველი ადამიანი არ შეეგუება ამას. ეს არის თურქული ექსპანსია, ევროკავშირის დაკვეთა“, - განაცხადა მამა დავითმა (ისაკაძე).

სოფელ ჭელაში მინარეთი გუშინ, გვიან ღამით აღმართეს. აღნიშნულ თემასთან დაკავშირებით რამდენიმე თვის წინ ქართველ და მუსულმან მრევლს შორის დაპირისპირება მოხდა, რის შემდეგაც მინარეთი სოფელ ჭელადან რამდენიმე კილომეტრის მოშორებით დაასაწყობეს.