სოციალურად დაუცველი ოჯახი, რომელიც ვაგონში ცხოვრობს დედაქალაქის ზედამხედველობის სამსახურმა 10 000 ლარით დააჯარიმა. 

მიზეზი ის ადგილია, რომელზეც მარიამ ყარმაზანაშვილის ვაგონია განთავსებული. სოციალურად დაუცველთა ოჯახს ე.წ. "ალექსეევკის" დასახლებაში ვაგონი თვითნებურად აქვს დადგმული.

"ძირგამომპალი ვაგონი ვიყიდეთ 200 ლარად, ვირთხები შემოდიან, არანაირი საცხოვრებელი პირობები არ გვაქვს, თუმცა არ ვჩივით, დაგვტოვონ ამ ვაგონში და ეს მიწა დაგვიკანონონ. უკიდურესად გაჭირვებულებს სად გვაქვს 10 00 ლარი, ჯარიმა რომ გადავიხადოთ", - აცხადებს ყარმაზანაშვილი.

ყარმაზანაშვილს ბრძოლის გაგრძელება სასამართლოში მოუწევს, რომელიც იანვარშია დაგეგმილი.