შეწყალების კომისიის ახალი შემადგენლობა პირველ სამუშაო შეხვედრას 29 ნოემბერს ავლაბრის რეზიდენციაში გამართავს.

შეწყალების კომისიის ახალი შემადგენლობა პრეზიდენტს შესაწყალებელ პირთა სიას საახალწლოდ გადაუგზავნის.

პირველი სამუშაო შეხვედრა 29 ნოემბერს, 11:00 საათზეა დაგეგმილი. ამასთან, შეწყალების კომისიის ახალმა თავმჯდომარემ ობიექტურობის პირობა დადო. როგორც შეწყალების კომისიის თავმჯდომარემ ალექსანდრე ელისაშვილმა "პირWელის" პრესკლუბში სტუმრობისას განაცხადა, ამ ეტაპზე 600-მდე საქმეა შესული, საიდანაც გადარჩეულია 150, თუმცა განცხადებების მიღება გრძელდება.

"გადაწყვეტილებების ობიექტურობა მარტო ჩემზე არ არის დამოკიდებული. თუ გნებავთ დავიფიცებ კიდეც, რომ მაქსიმალურად ობიექტური ვიქნები, მიუხედავად იმისა, რომ ნაცნობი, მეგობარი, ახლობელი ყველას გვყავს საპატიმროებში, მათ შორის, მეც და როგორც აღმოჩნდა იმაზე მეტი, ვიდრე მეგონა. ამის მიუხედავად ობიექტურობას პირველ რიგში, კრიტერიუმები განაპირობებს, რომლითაც უნდა მოხდეს საქმეების გაფილტვრა. ამაშია თავი და თავი პრობლების", - განაცხადა ელისაშვილმა.

დღესვე ალექსანდრე ელისაშვილი შეწყალების კომისიის ყოფილ თავმჯდომარე ელენე თევდორაძესთან შეხვედრას აპირებს.

შეწყალების კომისიის ახალი თავმჯდომარე ტელეკომპანია "კავკასიაში" მუშაობას გააგრძელებს.