პატრულ-ინპექტორი გოგა ანჩაბაძე, რომელიც თავისი მეჯვარის მეუღლის ანა ძაპტაშვილის გაუპატიურების მცდელობაშია ეჭვმიტანილი, კლინიკიდან გაეწერა და სახლში მკურნალობს.

იმის მიუხედავად, რომ ანჩაბაძის მიმართ აღძრულია სისხლის სამართლის საქმე და მასალები უკვე გადაეგზავნა პროკურატურას, ანჩაბაძე არ დაკითხულა, შესაბამისად, ის არც დაუკავებიათ. რაც შეეხება შსს-ს პოზიციას, ანჩაბაძესთან მიმაღტებაში უკვე ცნობილია:

იმის მიუხედავად, რომ ანჩაბაძეს, ჯერჯერობით, მხოლოდ ეჭვმიტანილის სტატუსი აქვს, შსს-ს მიერ მიღებული გადაწყვეტილებით, ის უკვე გაირიცხა პატრულის რიგებიდან. იმას, რომ ანჩაბაძის დაკითხვა ჯერ არ მომხდარა, მისი ადვოკატი ყოფილი პოლიციელის მძიმე მდგომარეობას უკავშირებს:

„ჩვენი თვითმიზანი არ არის საქმის გაჭიანურება, მაგრამ ანჩაბაძეს სერიოზული დაზიანებები აქვს მიყენებული და ვერ შეძლებს გამოძიებისთვის პასუხების გაცემას.

ამჟამად ჩემი დაცვის ქვეშ მყოფი მკურნალობას სახლში გადის და ექიმის მეთვალყურეობის ქვეშაა“, - უთხრა „ლაივპრესს“ ადვოკატმა ალექსანდრე თაფელიშვილმა.