ზუგდიდში, საქართველოს ბანკზე მომხდარი თავდასხმის დროს, პოლიციის ნომერ პირველი ამოცანა მძევლების შენობიდან უსაფრთხო გაყვანა იყო - ამის შესახებ შინაგან საქმეთა მინისტრის ვახტანგ გომელაურმა მედიას განუცხადა.

ძალოვანი უწყების ხელმძღვანელი ირწმუნება, რომ თავდამსხმელის დასაკავებლად სამართალდამცველებმა ყველაფერი გააკეთეს, თუმცა ეს რთული იყო.

"გუშინ ძალიან მძიმე დღე იყო, ყველასთვის, მძევლებისთვის და მათ შორის ჩვენთვისაც. ყველაფერი გავაკეთეთ, ჩვენმა სამინისტრომ და ხელისუფლებამ, რომ არავინ დაშავებულიყო. ეს იყო პირველი ამოცანა. პრემიერისგან და პარლამენტის თავმჯდომარისგან იყო დავალება, რომ არავინ დაშავებულიყო. ეტაპობრივად გამოდიოდნენ ადამიანები...

მანქანით მოძრაობდნენ რამდენიმე საათი, რომ მიმალულიყო. ეს ადამიანი გადავიდა მანქანიდან და მიიმალა. ყველაფერი გავაკეთეთ რომ დაგვეკავებინა, თუმცა რთული იყო. ჩვენ ადამიანებს ვერ გავწირავდით.

შეიძლება ბევრი ინფორმაცია მქონდეს, მაგრამ ჩემმა ერთმა სიტყვამაც შეიძლება გამოძიებას შეუშალოს ხელი. გავანთავისუფლეთ 43 მძევალი და ეს იყო ნომერ პირველია ამოცანა. შემდეგ იქნება მისი დაკავება",- განაცხადა ვახტანგ გომელაურმა.