კიდევ ერთი ფარული ჩანაწერი - "გეხვეწებით, გაიყვანონ ტექნიკა, იფიქრონ ჩვენზე" - სავარაუდო მძევალი ნიკა გვარამიას დახმარებას სთხოვდა

სამართალი - 15:54, 22 Oct, 2020

1925

"მთავარი არხის" აღმასრულებელი დირექტორი ნიკა გვარმია ბანკის დაყაჩარების საქმეზე ახალ და ხმაურიან განცხადებებს აკეთებს.
"მთავარი არხის" ინფორმაციით, გვარამიას გუშინ ზუგდიდის ინციდენტის ადგილიდან, სავარაუდოდ მძევალი, სავარაუდოდ სახელად - დავითი დაუკავშირდეა.
აღნიშნული პირი, მწედიამფლბელტან საუბრისას აღნიშნავდა, რომ ის თავდამსხმელის დავალებით უკავშირდებოდა და გვარამიას სთხოვდა დაკავშირებოდა ოპერაციის ხელმძღვანელ პოლიციელებს, რომ გაეყვანათ მიმდებარე ტერიტორიიდან ტექნიკა, სპეცრაზმი და სნაიპერები, რადგან თავდამსხმელს ეს ყოველივე აღიზიანებდა და მოუწოდებდა მთავრობას ეფიქრათ მათზე.

"აქიდან მეუბნებიან, ჩემს აზრს კონკრეტულად არ გეუბნებით, კადრებში ჩანს ყველაფერი ტექნიკაც არის, რაც ძალიან აღიზიანებს ამას. პირველ რიგში, რასაც ამბობს ეს ადამიანი რომ აბსოლუტურად უნდა დაიცალოს ტექნიკისგან ზუგდიდი, აბსოლუტურად ყველა ტექნიკა უნდა წავიდეს, ყველა სპეცრაზმელი უნდა გავიდეს!

სნაიპერები არიანო, რომ ლაპარაკობენ, სულ ყველა გაიყვანეთ, გადაეცით, დაუკავშირდით ამათ, ვინც არის აქ, ამ ოპერაციის ხელმძღვანელი, ვინც არის ყველას დაუკავშირდით. გეხვეწებით და გაიყვანონ ეს ტექნიკა აქედან, გაიყვანონ ეს ხალხი აქედან, იფიქრონ ჩვენზე" - უთხრა ნიკა გვარამიას სავარაუდო მძევალმა სატელოფონო საუბრისას.

ჩანაწერში, რომელიც "მთავარმა" გაასაჯაროვა ჩანს, რომ ნიკა გვარამია, ზარის ავტორს სთხოვს ეთქვა მისი სახელი და ცდილობს გაერკვია ტელეფონით მძევალი უკავშირდებოდა თუ თავდამსხმელი, რაზეც პირმა უპასუხა, რომ იყო მძევალი, სახელად დავითი და რეკავდა თავდამსხმელის დავალებით და იმერებდა, რასაც თავდამსხმელი კარნახობდა.

"მე გესაუბრებით მძარცველის სახელით ვინც არის ამ შენობაში და ვინც არის აქ ტყვედ ამათი სახელით, ყუმბარა უკავია ხელში, კადრებს რასაც ხედავს აღიზიანებს, ნიკა გეხვეწები უთხარით და გაიყვანეთ." - ასე უპასუხა მძევალმა ნიკა გვარამიას შეკითხვას.