ბათუმის საქალაქო სასამართლოში დღეს მარიამ კოჩალიძის მკვლელობის საქმის არსებითი განხილვა გაიმართება.

16 წლის გოგონას მკვლელობის საქმეზე სასამართლო პროცესი 12:00 საათზეა ჩანიშნული.მარიამ კოჩალიძე ბათუმის ახალ ბულვარში მოკლული 22 ივლისს იპოვეს.

გოგონას მკვლელობის გამოძიებისას დადგინდა სავარაუდო მკვლელის ვინაობა. ის ირანის მოქალაქე 28 წლის მოჰამადამინ როოინთანია. შსს-ს ინფორმაციით, აღნიშნული პირი სარფის სასაზღვრო-გამშვები პუნქტიდან 23 ივნისს შემოვიდა და 22 ივლისს 19:22 საათზე საქართველოს ტერიტორია სარფის გავლით დატოვა.

მკვლელობაში ბრალდებულს ბათუმის საქალაქო სასამართლომ დაუსწრებლად პატიმრობა შეუფარდა.

მოჰამადამინ როოინთანი პატიმრობაში არ იმყოფება და სავარაუდოდ, მას თურქეთის ტერიტორია არ დაუტოვებია.