მასწავლებელთა სახლში აფხაზეთიდან დევნილი პედაგოგების კონფერენცია გაიმართება

საზოგადოება - 18:50, 26 Nov, 2013

1468

27 ნოემბერს, მასწავლებლის სახლში, აფხაზეთიდან დევნილ მასწავლებელთა კონფერენცია
გაიმართება, რომელშიც აფხაზეთის საჯარო და ოკუპირებულ ტერიტორიაზე მოქმედი
სკოლების 100-ზე მეტი პედაგოგი მიიღებს მონაწილეობას. კონფერენცია
აფხაზეთსი მთავრობის მხარდაჭერითა და აფხაზეთის ა/რ განათლებისა და
კულტურის სამინისტროს ორგანიზებით ტარდება.

კონფერენციაზე ზოგადი განათლების ხარისხის გაუმჯობესებისა და
საგანმანათლებლო პროგრამების მიმართულებით, აფხაზეთის ა/რ განათლებისა და
კულტურის სამინისტროს 2013 წლის მიღწევებსა და 2014 წლის გამოწვევებს
შეაჯამებენ. ასევე, განხილული იქნება საქართველოს განათლების სფეროში
მიმდინარე რეფორმები და სიახლეები.

აფხაზეთის უმაღლესი საბჭოს საპატიო სიგელით, ორი ღვაწლმოსილი პედაგოგი და
აფხაზეთის ა/რ განათლებისა და კულტურის სამინსიტროს პროექტის „ინოვაციური
პედაგოგი“ 13 გამარჯვებული მასწავლებელი დაჯილდოვდება.
კონფერენციას აფხაზეთის ა/რ მთავრობის თავმჯდომარის მოვალეობის
შემსრულებელი ვახტანგ ყოლბაია, აფხაზეთის უამღლესი საბჭოს თავმჯდომარე გია
გვაზავა, აფხაზეთის განათელბისა და კულტური მინისტრი დიმიტრი ჯაიანი და
მასწავლებელთა პროფესიული განვითარების ეროვნული ცენტრის დირექტორი გია
მამულაშვილი დაესრწებიან.