ბატონი ხიდაშელის ერთი ჩვენება დევს იმ მასალებში, რომელიც მე მაქვს და მიმაჩნია, რომ ამ ჩვენებებს არანაირი კავშირი, უფრო სწორედ, ხელშესახები კავშირი ივერი მელაშვილის ბრალდებასთან არ აქვს. ამ საქმეს აქვს პოლიტიკური კონტექსტი და ეს კონტექსტი გამოიხატება არა მხოლოდ ფიგურანტების სხვადასხვა დეტალებში, მათ შორის იმაშიც, თუ ვინ ახორციელებეს მართლმსაჯულებას, - განაცხადა ივერი მელაშვილის ადვოკატმა ედუარდ მარეკიშვილმა.

შეგახსენებთ, რომ აზერბაიჯანთან, საზღვრის დადგენის კომისიის წევრები, ივერი მელაშვილი და ნატალია ილიჩოვა, 7 ოქტომბერს დააკავეს, წინასწარი პატიმრობა კი 8 ოქტომბერს შეუფარდეს. 2020 წლის 15 ოქტომბერს, თბილისის სააპელაციო სასამართლომ ე.წ. კარტოგრაფების საქმეზე დაკავებული ივერი მელაშვილი და ნატალია ილიჩოვა პატიმრობაში დატოვა.