,,ქართული ოცნების“ გორის რაიონულმა ოფისმა ახალგაზრდული ფრთის წევრებს წინასაარჩევნოდ, ,,ოცნების“ სასარგებლოდ გაწეული დახმარებისათვის დაპირებული ანაზღაურება არ მისცა.

ათამდე ,,ქართული ოცნების“ აქტივისტი კოალიციის გორის რაიონულ ორგანიზაციას მოტყუებაში ადანაშაულებს.

როგორც ისინი ,,ნიუპოსტთან" საუბრისას აცხადებენ, წინასაარჩევნოდ ერთი თვის განმოვლობაში ისინი პარტიის სასარგებლოდ იმ იმედით მუშაობდნენ, რომ არჩევნების შემდეგ ფულად ანაზღაურებას მინიმუმ 200 ლარამდე აიღებდნენ.

,, ამ თემაზე ბევრი ვერ საუბრობს რადგან ეშინიათ, ძალიან ბევრია უხელფასოდ დარჩენილი და ამბობენ რომ ამ საქმეს ასე არ დატოვებენ თუმცა მუქარების გამო ხმამაღლა ვერ საუბრობენ. ჩვენ მოხალისეები არ ვყოფილვართ. ქალები პატარა ბავშვებს სახლებში იმის გამო ტოვებდნენ რომ იმედი ჰქონდათ ორ კაპიკს მოგვცემდნენ მაგრამ ეხლა ამბობენ თქვენზე არ არის ხელფასებიო" -აცხადებს თაკო თოფურია . 

,,მე დამკვირებელი ვიყავი შეგვპირდნენ რომ იქნებოდა ანაზღაურება თუმცა ძალიან, ძალიან გაგვიცრუეს იმედი მერე გვითხრეს რომ ჩვენ ასე გითხარით შესაძლებელიაო იყოსო. ერთი სიტყვით მასხარად აგვიგდეს ერთი თვე ვმუშაობდი ჟურნალ გაზეთებს ვარიგებდი არაფერს არ გვინაზღაურებდნენ ჩვენ ვხარჯავდით ჩვენს ფულს გზის ხარჯებსაც კი არ გვინაზღაურებდნენ ერთი 100 ადამიანი მაინცააა ვინცაა ასე მოგვატყუეს"- ამბობს თეონა ნაფიშვილი.

ზურაბაშვილი ,,ნიუპოსტთან" აცხადებს, ,, ეს ქალბატონები რომლებიც ჩვენთან ახალგაზრდულში დაფიქსირებულები არიან როგორც აქტივისტები იყვნენ მოხალისეები, თვითონ მობრძანდნენ არ არიან პარტიის წევრები რამოდენიმე შეიძლება იყოს პარტიის წევრიც, მაგრამ ძირითადად ახალგაზრდულის ბავშვები არიან მხარდამჭერები, რომლებიც უბრალოდ აქტიურობდნენ საზოგადოებრივ საწყისებზე და მათ არავინ დაპირებია ანაზღაურებას“

გიორგი ახალკაცი სპეციალურად ,,ნიუპოსტისთვის" გორიდან