,,10 დღის წინ საქართველოს პრეზიდენტმა მიხეილ სააკაშვილმა სახელმწიფო მედლებით სიმბოლურად დააჯილდოვა პროგრამის „ქართული ენა მომავალი წარმატებისთვის“ სამი მონაწილე, რითაც კიდევ ერთხელ გაუსვა ხაზი ამ პროგრამის მნიშვნელობას.

ეს პროგრამა არის ერთ-ერთი ყველაზე წარმატებული რეფორმა, რომელიც საქართველოში განხორციელდა. პრეზიდენტ სააკაშვილის ინიციატივით, ასობით ახალგაზრდა მოხალისე 2011 წლიდან ქართულ ენას ასწავლის ეთნიკურ უმცირესობებს ქვემო ქართლში, სამცხე-ჯავახეთსა და კახეთში. ათიათასობით ჩვენს მოქალაქეს მიეცა შესაძლებლობა, შეესწავლა ქართული ენა მისი მომავალი წარმატებისთვის.

მე ვამაყობ, რომ ეს რეფორმა ჩემი მინისტრობისას დაიწყო და კიდევ ერთხელ მინდა გადავუხადო უდიდესი მადლობა ამ პროგრამის ყველა მონაწილეს. თქვენ ხართ ახალი საქართველოს გმირები, ჩვენი ქვეყანა თქვენთან ყოველთვის ვალში იქნება, რადგან საქმეს, რომელსაც თქვენ აკეთებთ უდიდესი სახელმწიფოებრივი მნიშვნელობა აქვს.

პრეზიდენტ სააკაშვილის მთავრობის სახელით, კიდევ ერთხელ დიდი მადლობა!“, - წერს დიმიტრი შაშკინი.