თავდაცვის ყოფილ მინისტრის ბაჩო ახალაიასა და მასთან ერთად ბრალდებულების საქმეზე სააპელაციო სასამართლოში პროცესი რამდენიმე წუთში განახლდება. საქალაქო სასამართლოს მიერ გამართლებულ ბაჩო ახალაიასა და მასთან ერთად ბრალდებულ შვიდ პირს საბოლოო სიტყვა მიეცემათ.

„დღეს ბრალდებულები იტყვიან საბოლოო სიტყვას, რის შემდეგაც მოსამართლეს შეუძლია იმავე წუთს გამოიტანოს გადაწყვეტილება, შეუძლია რამდენიმე დღე მოითხოვოს მოსაფიქრებლად, მთავარია, რომ ეს პროცესი თავიდან ბოლომდე მიდიოდა დაცვის დომინირებით, ბრალდების მხარეს არავითარი ახალი მტკიცებულება არ წარმოუდგენია, ეს იყო იმის გამეორება, რა მტკიცებულებებზე დაყრდნობითაც პირველი ინსტანციის სასამართლომ ერთადერთი სწორი გადაწყვეტილება გამოიტანა, რაც იყო გამამართლებელი განაჩენი“, - განაცხადა ახალაიას ადვოკატმა, გიორგი ონიანმა.