სომხური მედიის ინფორმაციით, ყარაბაღსა და სომხეთს შორის დამაკავშირებელი ხიდი აზერბაიჯანული სარაკეტო ტაქტიკური კომპლექსის გამოყენების შედეგად იქნა განადგურებული. რუსი ექსპერტების თქმით, მდინარე აკარ-ზე არსებული ხიდი დაიბომბა ებრაული სარაკეტო კომპლექს ლორათი, რომელიც 400 კილომეტრის რადიუსში ახორციელებს უზუსტეს იერიშებს.

როგორც ირკვევა ამ დროისთვის აქტიური საინჟინრო სამუშაოები მიმდინარეობს ჩანგრეული ხიდის აღსადგენად.

სომხური მხარე აგრეთვე იტყობინება აზერბაიჯანელთა მხრიდან ყარაბაღის ე.წ დედაქალაქის სტეფანაკერტის მსხვილკალიბრიანი ზალპური სისტემების გამოყენებით მასობრივი სარაკეტო იერიშების შესახებ. სომხური მედია საშუალებები ავრცელებენ ვიდეოებს სოციალურ ქსელ ტვიტერში, სადაც ასახულია ქალაქის დაბომბვის კადრები- ერთ-ერთ ვიდეოში ასახულია სასწრაფო-სამედიცინო დახმარების პუნქტის დაზიანებული ნაწილი, რომელიც საარტილერიო დანადგარებიდან დაიბომბა.