ტვ პირველისთვის გაგზავნილ 16 გვერდიან წერილში ის დეტალურად აღწერს იმ შეურაცხყოფაზე, დამცირებასა და წამებაზე, რასაც რუსი სამართალდამცველები მასთან მიმართებაში სჩადიან.

წერილის შინაარსი საკმაოდ მძიმეა - სუმბაევი საუბრობს ელექტროშოკით საათობრივ წამებაზე, გაშიშვლებქაზე, ფიზიკურ ზეწოლასა და ფსიქოლოგიურ ტერორზე, ოჯახის მიმართ მუქარაზე.

რუსი ჰაკერი აცხადებს, რომ სამართალდამცველები მას აიძულებენ, გამომძიებელ შიშკინას მკვლელობა აღიაროს.

ამ მძიმე ფაქტს საქართველოში მისი უფლებადამცველი გამოეხმაურა. ივანე ნორაკიძე აცხადებს, რომ სუმბაევის ამ უმძიმეს მდგომარეობაში ჩაგდების გამო პასუხი საქართველოს ხელისუფლებას ეკისრება. წულუკიანმა ვერ შეაფასა ვითარება, ვერ აღიქვა საფრთხეები და რუსეთის არაფორმალურ პირობას ენდო:

„სუმბაევი თავად მიუთითებს, რომ მის მიმართ არაერთხელ განხორციელებულა და რეგულარული ხასიათი აქვს დამამცირებელ მოპყრობას, კერძოდ, მას რეგულარულად აშიშვლებენ, ყოველდღიურად ჩხრეკენ, ყოველდღიურად ხდება მისი დამცირება, შეურაცხყოფა გამომძიებლების მხრიდან, ხდება მასზე ზეწოლა ელექტროშოკის გამოყენებით, ემუქრებიან შვილის ბავშვთა სახლში გაშვებით. არა ერთხელ მივმართეთ იუსტიციის მინისტრს და არც ერთ წერილზე მან პასუხი არ გაგვცა, უფრო მეტიც - რუსეთის ფედერაციიდან ჩამოსულია დამატებითი მოთხოვნა, რომ სუმბაევს ბრალი წაუყენონ გამომძიებლის მოკვლის ორგანიზებისთვის. ეს თხოვნა თუ დაკმაყოფილდება წულუკიანის მიერ, იაროსლავს ემუქრება სიკვდილით დასჯა“ - განაცხადა ნორაკიძემ.

შეგახსენებთ, რომ სუმბაევის ექსტრადირება რამდენიმე თვის წინ იუსტიციის მინისტრის პირადი გადაწყვეტილების მოხდა. მაშინ წულუკიანი ირწმუნებოდა, რომ ექსტრადირების შემთხვევაში მისი უფლებები სრულიად დაცული იქნებოდა.