გასული ღამის განმავლობაში უმძიმესი დაპირისპირება მიმდინარეობდა ყარაბაღში ფრონტის მთელ ხაზზე, სადაც აზერბაიჯანელი სამხედროები უწყვეტი ინტენსივობით იყენებდნენ მსხვილკალიბრიან საარტილერიო დანადგარებს სომხური გამაგრებული პოზიციების დასამუშავებლად. გავრცელებული ინფორმაციით, გამოიყენეს უპილოტო საფრენი აპარატი, თურქული წარმოების BAYRAKTAR TB2-ები, რომელთა მოქმედების შედეგად 3 ტანკი და რამდენიმე ჯავშანტრანსპორტიორი, საცეცხლე პოზიციასთან ერთად იქნა განეიტრალებული.

აზერბაიჯანის თავდაცვის სამინისტრომ გამოაქვეყნა შეტევის ამსახველი ვიდეოკადრები, სადაც ნაჩვენებია განადგურებული სამხედრო ტექნიკა.