ყარაბაღში სომხეთსა და აზერბაიჯანს შორის შეირაღებული დაპირისპირება გრძელდება- გასული ღამის განმავლობაში თითქმის ყველა კალიბრის აზერბაიჯანული საარტილერიო დანადგარი ისროდა სომხეთის არმიის პოზიციებზე.

ინტერნეტში ორივე მხარე აქტიურად ავრცელებს ვიდეოკადრებს კონფლიქტის ზონიდან, რომელიც ასახავს მათ მიერ ერთმანეთის განადგურებელ ცოცხალ ძალასა და სამხედრო ტექნიკას.

სომხეთის თავდაცვის უწყებამ გამოაქვეყნა ვიდეო, სადაც აღბეჭდილნი არიან გარდაცვლილი აზერბაიჯანელი სამხედროები, რომლებიც ცდილობდნენ, შტურმით აეღოთ ყარაბაღში არსებული სომეხი სამხედროების მიერ მოწყობილი გამაგრებული პოზიციები. კადრებში ჩანს სამხედროების დაცხრილვის მომენტი, რომელთაგან რამდეიმე მათგანი ადგილზევე გარდაიცვალა. სომხური მხარე იუწყება, რომ გუშინდელი შეტევის შედეგად მტრის რამდენიმე ტანკი და ჯავშანტრანსპორტიორი იქნა განადგურებული. მათი თქმით, მიუხედავად მძიმე დაბომბვებისა შეტევა წარმატებით იქნა მოგერიებული.